Zôczątk szkòłowégò rokù to leżnosc do przëbôczeniô czile prawnëch aspektów sparłączonëch z tim wëdarzenim. Ùdbëła jem dac bôczënk na nôważniészë sprawë tikającé szkòlôków, tatków i szkólnëch.
Chcemë rozpòcząc òd bezpieczny drodżi do szkòłë.
Kòżdé miasto, kòżdô gmina je òbòwiązónô do òznakòwaniégò szasëjów. Równak, w wiele przëtrôfkach òznakòwanié je niejednoznaczné ôs niekòmpletné. Tikô to òsoblëwie niwnégò òznakòwaniégò, a drobnotno pasów wskazëjącëch przeńdzenié bez wòznicã. Nierôz służbë zwëskùją z farbë, jakô nie strzëmùje nawetka czile miesący mimò, że przepisë nakazëją abë minimalnô trwałosc bëła nié krótszô jak rok.
Òd widocznoscë przeńdzeniów dlô piechtników, òsoblëwie òb jesénny czas szermëcë zanôlégô bezpiek dzecë. Szoferzë mielëbë ju z daleczëznë widzec pasë, nawetka tej, czej są zalóné wòdą. Je to òsoblëwie wôżné w wiesczim òkòlim, dze òswietlenié nié wiedno je dosc tëlé dobré.
Pamiãtôjta, co szandarzë mają nié blós tacëc sã w nieòznakòwónëch BMW, cobë bëc wspòmóżką dlô bùdżetu państwa, le téż wspiérac spòlëznã tã dze je nót. Zgłaszôjta szandarama wszëtczé przëtrôfczi niegwësnégò òznakòwaniégò, z prosbą ò pilną jinterwencjã przed naczãcym szkòłowégò rokù.
