Pierwszi dzéń w szkòle pò miesącach paùzë to leżnosc do pòtkaniów z drëchama i drëszkama. Wiele z nich mògło kąsk zgrëbiec, jinyma wëskokłë përcle, a knôpama ùrosłë kòzé bródczi.
Wiele nie mdze sã za tim czerowało, le mdą téż taczi, jaczi pò wrócenim do szkòłë sadną do kòmpùtrów, żlë nie zrobilë tegò chùtczi na smartfònach, i rozpòczną pùblikòwac pòstë ò tim, co ùzdrzelë. Nie mdą to miłé kòmentôrze, le wicy nalinającé i ganiącé. Niestetë sczerowóné pòd adresã gwësny òsobë, czãsto narzesziwającé do òdjimków. Pòstë te mdą przekrocziwałë grëńce ùsztélowóné w spòlëznowi sécë, chòcle mało chto z ùstnëch, a wierã nicht z młodëch definicji niedozwòlonëch zachòwaniów nie znaje, kò chtëż czëtô regùlaminë spòlëznowëch pòrtalów.
Nót je równak wiedzec, że mòże dostac sztrôfã za hejt. Nômniészą karą kòl te mdze zablokòwanié bez administracjã spòlëznowégò pòrtalu. Gòrzi, czej pòszkòdowóny pùdze za wspòmóżką do òrganów wëmierzaniô sprawiedlëwòscë. W taczim przëtrôfkù w rachùnk wchôdają ale pòwôżniészé prawné kònsekwencje, a jedną òd tëch nômni grãdëch je wpisënk do kartoteków „nielatów” narusziwającëch prawò, co mòże stojec pode drogą w pózdniészim żëcym.
Nim dokònôsz wpisënkù, chtëren mòże bëc ùznóny za hejt, zastanowi sã wiele razë nad kònsekwencjama.
#BéjataNowakòwskô
#AdwokatGdańsk
