Òszëkańcë nie copną sã przed niczim. Wëzwëskiwają nawetkã stojiznã za nają pòrénkòwą grëńcą i bédëją swòje rzekòmé transpòrtowé ùsłëdżi, chcącë wëcygnąc dëtczi òd personów brëkùjącëch pòmòcë.
W slédnëch dniach szandarzë w czile miastach bëlë jinfòrmòwóny ò òszëkaństwie, jaczé pòlegało na tim, co nibë szoferzë bédëją, za pòstrzédnictwã spòlëznowégò pòrtalu, pòmòc w transpòrce czileòsobòwi familie z Ùkrainë do Pòlsczi, za dëtczi na palëwò w wësokòscë czileset złotëch. Gwës, nimò przelaniégò dëtków na wskazóné kònto, òszëkańc nie wëwiązôł sã z ùgòdënkù i ùrwôł łączbã z òsobą, jako zgòdzyła przewóz.
Wôrt je pamiãtac, że stojizna w Ùkrajinie brzadëje wielëną hùmianitarnëch, pòmòcowëch akcjów i zbiórków. Pòd niejedné pòdcygają sã łéżlcë. Chcącë włączëc sã w pòmòcową akcjã wôrt je dac bôczënk, a przede wszëtczim zwerifikòwac pòdmiotë deklarëjącé pòmòc. Pamiãtôjta, że wiarëwôrtną i sprôwdzoną lëstã zbiórków mòże wëszëkac na rządowi stronie PomagamyUkrainie.gov.pl.
#BéjataNowakòwskô
